教育王國

標題: 課程深淺+功課問題 [打印本頁]

作者: bear1bear 時間: 18-10-18 19:21 標題: 課程深淺+功課問題

k課程會好淺嗎？
課堂時 +每星期會有功課要番屋企做嗎？
thx*

作者: noming 時間: 18-10-19 15:55

回覆 bear1bear 的帖子

K1每星期1-2份K2 & K3 每天1-2份

作者: bear1bear 時間: 18-10-22 19:19

noming 發表於 18-10-19 15:55
回覆 bear1bear 的帖子

K1每星期1-2份K2 & K3 每天1-2份

學術需外補?

作者: 心急媽媽xxx 時間: 18-10-23 17:34

bear1bear 發表於 18-10-22 19:19
學術需外補?

外補的話看你要求。如果唸住等派位就無所謂。入左既我知就好多好後悔.....

作者: andyan324 時間: 18-10-28 22:12

心急媽媽xxx 發表於 18-10-23 17:34
外補的話看你要求。如果唸住等派位就無所謂。入左既我知就好多好後悔.....
...

我又唔覺得好多後悔喎，
你揀得呢間就預左唔催谷，happy school，
從來唔會因爲你跟唔到寫唔到字而打比你，
會因為你小朋友行為上而打比家長，
各取所需啦，
總之唔好預佢教得好深，
但k3係深左快左為左跟小一進步。

作者: wildbaby 時間: 18-11-15 10:44

即是不太重視學術嗎?

作者: 高0媽媽 時間: 18-11-18 17:13

心急媽媽xxx 發表於 18-10-23 17:34
外補的話看你要求。如果唸住等派位就無所謂。入左既我知就好多好後悔.....
...

點解要後悔呀
我見今年好多人報名，
好多人ln呀？

作者: monaaaw 時間: 18-11-18 20:10

高0媽媽發表於 18-11-18 17:13
點解要後悔呀
我見今年好多人報名，
好多人ln呀？

開學至今，完全冇後悔過
好睇家長要啲咩，比較學術深既學校
聖保羅堂更重視係小朋友既自信，行為品德禮貌。

作者: 心急媽媽xxx 時間: 18-11-18 20:25

monaaaw 發表於 18-11-18 20:10
開學至今，完全冇後悔過
好睇家長要啲咩，比較學術深既學校
聖保羅堂更重視係小朋友既自信，行為品德禮貌 ...

除了恭喜，沒有其他可以講了

作者: 心急媽媽xxx 時間: 18-11-18 21:23

提示: 該帖被管理員或版主屏蔽

作者: monaaaw 時間: 18-11-18 21:31

bear1bear 發表於 18-10-18 19:21
k課程會好淺嗎？
課堂時 +每星期會有功課要番屋企做嗎？
thx*

回應返您的問題
基本上K1 每日都有功課
一至兩頁，可自己完成
小朋友好鐘意做

程度上，以學券學校黎講唔算淺
有需要自行外補

作者: mb_lo 時間: 18-11-23 21:25

提示: 該帖被管理員或版主屏蔽

作者: TT2015 時間: 18-12-11 21:49

提示: 該帖被管理員或版主屏蔽

作者: piglet.tso 時間: 18-12-12 18:17

提示: 該帖被管理員或版主屏蔽

作者: bear1bear 時間: 18-12-13 13:33

提示: 該帖被管理員或版主屏蔽

作者: hystericminib 時間: 18-12-15 09:44

提示: 該帖被管理員或版主屏蔽

作者: badts 時間: 18-12-25 06:11

提示: 該帖被管理員或版主屏蔽

作者: nicyeung 時間: 19-1-14 17:10

提示: 該帖被管理員或版主屏蔽

作者: TT2015 時間: 19-1-14 19:12

提示: 該帖被管理員或版主屏蔽

作者: 心急媽媽xxx 時間: 19-1-14 22:18

提示: 該帖被管理員或版主屏蔽

作者: nicyeung 時間: 19-1-14 22:58

TT2015 發表於 19-1-14 19:12
Me too

will you take the offer? if so, which one you are giving up?

作者: 心急媽媽xxx 時間: 19-1-16 16:45 標題: 回覆樓主：

本帖最後由心急媽媽xxx 於 19-1-16 16:52 編輯

作者: alanyeungsl2011 時間: 19-2-9 10:05 標題: 回覆樓主:

用家，SPCK德育關顧係好好的。學術上偏淺。

作者: 心急媽媽xxx 時間: 19-6-8 18:36 標題: 回覆樓主:

pm 不逐一回復。如果你認識k3家長，可以訪問下。我估不少可以話你知畢業感受是沒有留戀的感覺，可以無牽無掛專心準備上小一

作者: Alanchengjj 時間: 19-6-26 02:04

提示: 作者被禁止或刪除內容自動屏蔽

作者: 澄澄7_16 時間: 19-6-27 22:37

Alanchengjj 發表於 19-6-26 02:04
好多人諗野會有個誤區，揀一間學校會有種搭便車既心態，會認為入所謂既名校就一定會包單，保證畢業後一定學 ...

講得好！我兩個小朋友都係呢間幼稚園，我十分認同學校的教育理念，品徳教育真的十分重要！學校老師大部分都很有愛，我小朋友考學校時，某校校長問他在幼稚園學會了什麼？他的答案是，在幼稚園學會了愛護同學，我聽到這個答案真的很感動，學校提供了一個很好的環境讓他學懂，愛人如已。

作者: vickymok717 時間: 19-7-5 14:38

心急媽媽xxx 發表於 19-6-8 18:36
pm 不逐一回復。如果你認識k3家長，可以訪問下。我估不少可以話你知畢業感受是沒有留戀的感覺，可以無牽無 ...

我唔認同你嘅睇法, 我大仔已畢業, 細女升K3, 我完全無後悔過讀聖保羅堂,相反, 有時仲會有啲自豪!
仔仔本身讀書唔錯, 升上小一亦無任何問題, 以前亦喜歡返學!

女女將升K3, 同樣亦喜歡返學, 我唔覺得有咩會後悔喎

作者: 心急媽媽xxx 時間: 19-7-5 19:34

vickymok717 發表於 19-7-5 14:38
我唔認同你嘅睇法, 我大仔已畢業, 細女升K3, 我完全無後悔過讀聖保羅堂,相反, 有時仲會有啲自豪!
仔仔本身 ...

本帖最後由心急媽媽xxx 於 19-7-5 20:30 編輯

恭喜你。真心的

我認識圍內熟所有玩完考小遊戲搞直私的，還未找到一個比細佬妹上呢家幼稚園，讀完k1或k2退學，未入學就考慮其他幼稚園。無想過靠學校處理學術，請勿誤會，只係不想錯配，恨錯難返。熟朋友聽我意見後，全都沒有take offer。

我認為如果家長一心想抽獎沒有問題的。先問問自己要什麼

請問你小朋友讀直私嗎？如果係的話，你是我第一個知道入到大個讀直私還讓弟妹在這學校的家長

作者: 澄澄7_16 時間: 19-7-8 23:52

心急媽媽xxx 發表於 19-7-5 19:34
本帖最後由心急媽媽xxx 於 19-7-5 20:30 編輯

恭喜你。真心的

恕我直言，請不要把考不考直私歸咎幼稚園，考直私除了考學術，第一輪是考溝通技巧、學習態度，過不了這關，學術識飛都無用！我家大的個小朋友是直私，小的也是今年聖保羅堂畢業，小的最後也收到幾間一線直資offer。

作者: 心急媽媽xxx 時間: 19-7-9 07:24

澄澄7_16 發表於 19-7-8 23:52
恕我直言，請不要把考不考直私歸咎幼稚園，考直私除了考學術，第一輪是考溝通技巧、學習態度，過不了這關 ...

本帖最後由心急媽媽xxx 於 19-7-9 08:30 編輯

我和一些家長遭遇感受有所不同。恭喜你，去年約兩成入直私，入到一線直私更是鳳毛麟角，期待今年結果。希望你的分享幫到其他家長，不過我相信你的小朋友在那家幼稚園讀都有好學校取錄

作者: 澄澄7_16 時間: 19-7-12 00:09

心急媽媽xxx 發表於 19-7-9 07:24
本帖最後由心急媽媽xxx 於 19-7-9 08:30 編輯

我和一些家長遭遇感受有所不同。恭喜你，去年約兩成入直 ...

謝謝你。我兩個小朋友都沒有讀其他幼稚園，根本不用猜測，另外不知你和那一些家長遭遇到什麼，我只想説本屆畢業生家長，不論有沒有考直私的，都不是每位都如你所說的失望，起碼我身邊的一群家長都不是，我絕對尊重你的感受，但請在發言時不要把其他家長都扯在一起。

作者: 心急媽媽xxx 時間: 19-7-12 07:34

澄澄7_16 發表於 19-7-12 00:09
謝謝你。我兩個小朋友都沒有讀其他幼稚園，根本不用猜測，另外不知你和那一些家長遭遇到什麼，我只想説本 ...

本帖最後由心急媽媽xxx 於 19-7-12 09:32 編輯

每人有自己表達方式，我只是以我的方式分享我的經驗，我有說明是圍內家長的感受，請再翻閱。意見有好有壞很平常，每人不同需要，閱讀的自行理解判斷，或參考其他po吧。大家都以自己方法為子女做最好選擇

你的孩子非常outstanding，我之前意思是我相信無論他們讀那家幼稚園都會得到好學校的青睞，你們很會教孩子，沒有什麼需要猜測

作者: kudon 時間: 19-7-13 02:05

回覆心急媽媽xxx 的帖子

其實一間學卷幼稚園有兩成考到直私已經唔錯喎，仲要返學時間只得三個鐘，個人認為學術最好自己搞掂，不過有聽聞今年班K3生考直私好差，考唔到嗰d怨聲載道，一路等接放學一路鬧學校同老師

作者: 心急媽媽xxx 時間: 19-7-13 08:07

kudon 發表於 19-7-13 02:05
回覆心急媽媽xxx 的帖子

其實一間學卷幼稚園有兩成考到直私已經唔錯喎，仲要返學時間只得三個鐘，個人認 ...

你d料都收得快，不過有微言的，並非限於考不上直私家長

至於今年是否考得差，多等一個禮拜應該有分曉

作者: kudon 時間: 19-7-13 09:22

回覆心急媽媽xxx 的帖子

去年替小兒搵幼稚園時都問過揍學童返學及接放學的家長，佢哋嘅答案都好極端，有大讚的家長，也有狂踩學校的家長。由報名到取錄後我才開始了解該校，註冊前一星期我再次踏足該校，適逢遇見昔日的舊同學，所以一起等接她女兒放學，而全程就聽到前面兩位家長狂鬧學校，其中的說話是: 聖保羅堂個個學生都去補習，但偏偏考直私好多連 2nd in都冇，呢間咁嘅學校簡直不知所謂。

雖然我不知前面那兩位家長放了多少資源在小孩子身上而又考不到直私，所以才那麽氣憤。但我覺得小朋友能否考到心儀學校，除了家校合作外，家長的身教也非常重要！

其實你小朋友都有聖類斯 offer，証明你和學校都有為幼兒付出過，應該都是很重視教育的啊！

作者: 心急媽媽xxx 時間: 19-7-13 10:33 標題: 回覆樓主：

本帖最後由心急媽媽xxx 於 19-7-13 12:30 編輯

讀學卷，學術上我從無要求。你聽到的是某些家長某些方面的不滿的節錄。

很多幼稚園上小情況這幾年大躍進，相對故步自封的就會比下去甚至有機會面對每況愈下的危機。拙兒僥倖有offers，得來不易，不快與學術無關。不祈求隊友合作，只求無不合作。個人感受，不喜勿勿勿插

還是靜候小一結果。

作者: 心急媽媽xxx 時間: 19-7-13 10:36

kudon 發表於 19-7-13 09:22
回覆心急媽媽xxx 的帖子

去年替小兒搵幼稚園時都問過揍學童返學及接放學的家長，佢哋嘅答案都好極端，有 ...

本帖最後由心急媽媽xxx 於 19-7-13 11:02 編輯

同埋你收到極端回應應基於期望的分歧，亦是我一直說要知道自己要什麼，非人云亦云，有人認為好，未必是你想的，有人說不好，你也可以覺得合適，盲撐無意思

作者: kudon 時間: 19-7-13 11:18

回覆心急媽媽xxx 的帖子

好奇一問，今年拿下學術獎的學生全是手執直私offer的學生嗎？

作者: 心急媽媽xxx 時間: 19-7-13 15:23

kudon 發表於 19-7-13 11:18
回覆心急媽媽xxx 的帖子

好奇一問，今年拿下學術獎的學生全是手執直私offer的學生嗎？ ...

私底答你

作者: kudon 時間: 19-7-13 21:30

回覆心急媽媽xxx 的帖子

Thanks

作者: Alanchengjj 時間: 19-7-14 18:32

提示: 作者被禁止或刪除內容自動屏蔽

作者: kudon 時間: 19-7-15 00:46

本帖最後由 kudon 於 19-7-15 01:13 編輯

回覆 Alanchengjj 的帖子

說得好，當日北角校的那兩位家長給我感覺好功利，而且仲好冇品，雖知升小不單看學術，品行亦很重要，而且都要看小朋友當日面試狀態，可以說是一場緣分遊戲。奈何她們只是不停埋怨及指摘，沒有體諒及反省。只可以說：家長的品性如何，幼兒的品性也會如何，就算去到重視品德的學校也是徒然。

作者: 心急媽媽xxx 時間: 19-7-15 18:35 標題: 回覆樓主：

本帖最後由心急媽媽xxx 於 19-7-16 09:01 編輯

選擇學校，可能會考慮離家距離，學卷，宗教，考小支援等條件。過來人當初只懂聽朋友說，好呀、不用想、等意見，也沒有機會接收到負評意見，沒有多考慮，亦沒有好好了解是否真合適。相信不同家長有不同期望

必然有感激學校，也有帶著不滿離開，一點也不意外，當中故事豈能一一公眾交代。討論區，寫正評容易，一旦非正評或非主流意見置面，有機會萬箭穿心。只以自己方式分享經歷感受，交流平台每人表達方式不同，非同道人亦可互相尊重分享，無須人身攻擊。祝家長們好運

作者: jessip2013 時間: 19-7-16 14:26

路過入黎分享，小兒在聖保羅堂北角校就讀三年，整體黎講都係滿意的，當初有同區另一私幼OFFER但最終都係揀左入SPC呢個大家庭。到現在還是覺得當初決定正確。

响聖保羅堂幼稚園:
-唔好期求好似其他學校咁有本好靚o既手冊，呢間學校係好平實，少作花巧野(出到去考直私你就會睇到本手冊同人地果d有幾大分別)
-唔好期望學校到畢業時會組團去迪士尼同你地影畢業相，搞謝師宴，即使係家長自發去搞都妄想學校老師會參與
-唔好期望會學到好多學術野，學校會跟返教育局正常課程，目標要求考學術的直私的話唔該自己外補

但係你的小朋友响聖保羅堂:
-會有一個良好平台愉快學習，功課唔多難度適中，課堂會有專題研習
-學校會提供平台給小朋友表現自己，如校園電視台報天氣，生日表演活動
-小朋友品德方面都好好，如果你有參加過觀課應該明白我所講，呢點對我地呢D新手家長尤其重要，同老師反映過小朋友某方面有困，老師會認真跟進並提供相關建議
-呢三年黎所接觸的老師都十分之好，有責任心，小朋友評估分數真係會如實報導，唔似某d私校咁全部寫晒A就算，呢幾年年度評語都確實反映到兒子真實一面
-學校鼓勵家長伴讀，每星期小朋友都會响學校借圖書，睇完要填返簡單閱讀報告
-學校不定期會安排校外參觀活動，小學參觀都安排左兩次
-家長們都守望相助，雖則我係比較摺類家長，但都感覺到家長們之間關係不錯，結業時有家長送小禮物俾全班同學

家長方面都有安排不同家長講座,可能係同一教會關係，呢兩年學校都有安排家長參觀SPCC，呢個當然俾到家長們大開眼界，SPCC梁校長响家長們面前讚到聖保羅堂學生品德幾咁好,但奇怪就係對上兩年中環同北角校都共係收得兩個SPC學生(今年成績到今天未正式公佈)，真心希望來年家長參觀時可向梁校長賜教聖保羅堂學生同其他名幼比仲爭d咩，好讓學校方在教學方面可以繼續優化。

升小一方便，學校根本唔care學生去考直私成績，唔會以標榜學生考到幾多間直私為賣點，所以呢方面o既支援係0，而家長們又好少响群組內講關於考小一之事，小一派位果日老師會主動打黎問有無咩要幫手，學校會幫手出推薦信，但只限你派得差先有，派中乙三都唔駛旨意有份。小兒都有去考直私，初時都似樓上咁有會質疑係咪因為學校程度低所以連2nd in都無，但其後都明白考小一係好多因素在內，絕對不能將所有原因掛在學校課程上，另外當你去叩門時就如樓上所講學校校譽係會幫到你小朋友的。

總結如果你唔係追求神校小學，想給小朋友平實及愉快幼稚園生活，聖保羅堂絕對係首選。

希望以上資料能給各位考慮入讀聖保羅堂幼稚園家長作參考

作者: kudon 時間: 19-7-16 17:35

本帖最後由 kudon 於 19-7-16 17:51 編輯

回覆 jessip2013 的帖子

學校已經挑選了幾個值得推薦的學生給聖保羅男女附小，讓梁校長揀選，包括我舊同學的女兒

據知年年都會咁做，如果北角校今屆冇，唔排除學校覺得今屆的學生不達期望而冇推薦，又或者家長真係好平實，只求合適，不求出名，收咗都放棄入讀

作者: jessip2013 時間: 19-7-16 20:55

kudon 發表於 19-7-16 17:35
回覆 jessip2013 的帖子

學校已經挑選了幾個值得推薦的學生給聖保羅男女附小，讓梁校長揀選，包括我舊同學 ...

咁即係話每年都係俾面收一兩個SPC學生，唔經學校推薦考到入SPCC機會係接近0

作者: 心急媽媽xxx 時間: 19-7-16 22:37

kudon 發表於 19-7-16 17:35
回覆 jessip2013 的帖子

學校已經挑選了幾個值得推薦的學生給聖保羅男女附小，讓梁校長揀選，包括我舊同學 ...

今年有

作者: kudon 時間: 19-7-16 22:58

回覆 jessip2013 的帖子

如果目標是聖保羅男女附小，幼稚園應該入寶山或者聖公會幼稚園，而不是聖保羅堂幼稚園

作者: 澄澄7_16 時間: 19-7-17 23:40

jessip2013 發表於 19-7-16 20:55
咁即係話每年都係俾面收一兩個SPC學生，唔經學校推薦考到入SPCC機會係接近0

...

今屆有一個不是推薦的入了Spcc, 但推薦的,有的不入2Nd,有的2nd出局，推薦的都沒有被取錄

作者: 心急媽媽xxx 時間: 19-8-22 18:03

已經見到今年成績，29人入讀直私（去年30人，前年39人），較一線小學（這裡我計spcc，spb，兩拔，港同，英華，cky）入讀人數今年共7人（去年10人，前年19人），有錯請指正。

當中有人關心的spcc 1人（去年、前年各2人），spb 3人（去年4人，前年5人），港同1人（去年2人，前年7人）

歡迎分享你孩子的好消息，但相信更多人是關心大環境。文字說話可以修飾，數據不說謊。

我也想知道有人提到那些家長的不滿是來自何處，有可能是與入學時期望的分野，以往曾被某網站在最具競爭力幼稚園有不錯的排位，加上往績，當年可能帶著期望入讀。每人可以自己主觀衡量標準力撐，但升小結果通常都被視為其中一個客觀指標。

正評小心解讀，應瞭解其準則，是炫耀還是個人體驗分享。

你會否認為曾有報考上述任何小學（如港同、英華等）只佔少數？抑或傾向相信被以上較一線直資校成功取錄的、寧可放棄學籍，叩門官津？做點功課，用點邏輯，誰是誰非，一目了然。事實勝於雄辯。

若只讓自己一方聲音存在，攻擊不同意見者，只會令不同聲音的更不敢分享。考小有人說是緣分遊戲，除了學術、臨場表現、也有可能是家長背景，成功還有人脈和關係的可能？已經有分享spcc情況。建議有興趣的可參考今年同區熱校，即華仁和嘉諾撒的叩門成績就更清楚，見識之前有人提到校譽的威力。一天音樂椅未停，都希望增添喜訊。

船一上就預3年，原意也是希望家長考慮清楚。要明白自己要什麼，或看看手上有什麼其他選擇比較，如果上直私小不是考慮，認為排名等無所謂的，數字看看就算，每個家長對學校要求不同，避免期望分歧。如果你追求平實輕鬆的學習，香港一般幼稚園都提供愉快和良好學習氣氛，參觀、伴讀、表演等活動都不缺。

其實要關心是趨勢，數據背後的訊息，期望明年會更好。一直等待數據說話，希望資料幫到有需要的家長。

作者: 心急媽媽xxx 時間: 19-8-22 19:12 標題: 回覆樓主

換句話說，直私人數雖微跌，入讀較一線的，從前年約佔總直私人數的一半，跌至去年佔1/3，到今年接近1/4。

作者: andyan324 時間: 19-8-26 15:22

Alanchengjj 發表於 19-7-14 18:32
以上討論的都係直接將幼稚園的好壞與升小的榜單掛勾，我認為都幾功利和片面。升小成績如何，除了和學校教學 ...

十分認同！
只可以話學校唔係佢想要既
建議其他家長真係問清楚自己追求既係咩
以免得唔到自己預期又黎後悔

認同學校低調作風純樸
無花巧野

作者: kiov 時間: 19-9-30 13:51 標題: 回覆樓主：

本帖最後由 kiov 於 19-9-30 14:01 編輯

我兩個小朋友都讀聖保羅堂，從沒有感到後悔，品德教育做得好好！亦很感激校長老師的教導！品德是跟隨一生的！底穩固得好，人生也不偏離！至於學術，我小朋友讀旺角直資男校，幼稚園期間只英文有外補！

作者: kiov 時間: 19-9-30 14:04

家教比學校教更緊要！

歡迎光臨教育王國 (/)